【反叛期】13歲兒子踏入反叛期常講大話偷錢　媽媽無助：有冇社會機構幫到我？

青春期階段的孩子據說會有反叛期，有港媽在網上吐苦水，指13歲的兒子成日説謊同偷家中錢，且數目不非，每次都偷幾千元或$10000不等，最近還偷其他物件轉手放賣圖利，令港媽極為頭痛。

最新影片推介：

該名港媽在「香港討論區」發帖，主題為「仔仔成日講大話同偷錢有冇社會機構幫到我（大埔人）」，她對著13歲反叛期的兒子束手無策，

仔仔今年13歲仔，成日講大話同唔只一次偷屋企人嘅錢，唔係三幾佰、每次都係10,000幾千，近排仲出去偷其他物件轉手放賣，請問各位知道有冇乜嘢社會機構可以幫到我，萬分感謝！

貼文一出，有經歷的網友指，他也有個朋友的小孩跟樓主的小孩一樣！很叛逆！，更著樓主要弄清楚兒子是賭，或者毒，或者其他什麼原因，因為非常關鍵！還問樓主的丈夫不管嗎？也有其他網友表示，先了解兒子偷錢的用途，「是不是在外有什麽不便告訴家人的事情發生了，然後需要大量金錢？」、「不能直接罵或者批評！這樣孩子很容易出現極端心理。也不能縱容，要讓孩子為自己的行為負責。以懲戒和引導教育為主。」、「嘩！咁快識無本生利仲搵到買家，商業奇材喎！」，另外亦有網友提議樓主收起金錢轉移到其他地方，看破不說破兒子。

根據臨床心理學家劉英健博士指，通常小朋友偷嘢都係一種衝動的行為，屬於專注力不足的其大1part─衝動，偷錢一定有動機，家長要用同理心去問小朋友背後的動機，切忌罵同打，「睇佢偷乜嘢，偷錢，可以了解返佢要買啲乜嘢？定係還債？最重要搵佢個動機係乜嘢，點解佢要偷？當然問佢動機時，唔好俾任何批判性嘅說話，如果唔係，佢就唔願意同家長講返個原因，一般可以點做呢？就係同小朋友講返呢個行為係唔可以接受嘅，再問返佢個動機，唔好俾任何批判性嘅說話，取笑佢、恐嚇佢，因為好多家長可能會講，『你咁樣會俾警察拉你！』或者會罵、會打，呢啲不但唔會改善孩子嘅行為，反而會變本加厲。反而可以用價值觀嘅角度同佢講，不過就要好簡短咁講，千祈唔好教訓佢，講一大堆嘅理論，佢哋係絕對唔會接受。」

▲ 臨床心理學家劉英健博士指，千祈唔好俾任何批判性嘅說話小朋友，如果唔係，佢哋就唔會願意同家長講返個原因，亦都唔好教訓佢，講一大堆嘅理論，佢哋係絕對唔會接受。

劉博士續指，可以從動機方面去入手，盡量用同理心去講返個感受，令小朋友自己說出答案，而經常偷嘢，如；每星期都偷，加上一些其他行為上或情緒化的問題，就需要專業人士介入，「如果知道個動機，知道背後個原因，反而可以同小朋友workout去滿足佢個期望或動機，而唔係偷嘢，因為個目的係要讓小朋友唔好再偷，偷錢背後通常都有個動機，究竟背後動機係乜嘢？家長就需要去了解，假設佢偷嘅錢係還債，還俾佢啲同學，咁家長知道個動機，原來要還債務，家長就可以考慮幫個小朋友還咗先，之後再同小朋友workout嗰個計劃，每個月點樣填補返個數目。」

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

責任編輯︰王明芳